真人真事 ( 唔好幫人打電話 )
話說星期一晚上係廣州近廣州大酒店（名唔知道係咪咁叫，有永安車番香港）同個老友同埋佢個客食完飯，由於落大雨咁就諗住去酒店截車，因為有遮蓋，咁行到近酒店旁一條小路口，見到有個大約 40 歲香港男人，係大雨下訓騎樓底，咁我地見佢著衫應該係香港人，咪行埋去睇下，原來暈左，拍醒佢，佢就住個間酒店，咁就叫酒店保安扶佢返酒店。原來佢先前避雨，有條大陸仔行埋去，拎部 '6150' 出來話唔識用，不過又要緊急打電話，叫佢幫佢打，佢一掂部電話個大陸仔一按制，佢就訓低，比人槍哂 D 野！最後酒店報警，我地走頭！問返 D 老廣州，呢隻電槍，三舊水就買到，有 9成似 6150！小心！小心！

各位，其中一朋友 ... 都遇過類似情況 ....
兩個月前，在荃灣大河道 ' 吉野家
' 樓下等人，突然有條大陸仔走過來，拿部 'NOKIA6150' 出來，話唔識開著部電話，叫幫佢，都覺得好有可疑，無理佢，仲同佢講：「搵食行遠 D 啦！」跟住佢就行開了，心想吊住佢尾睇佢有無問第二個，想知佢究竟想點樣騙人，點知條友一過完條馬路就影都唔見，好肯定係身有屎，而家諗起都一額汗 ?
PS: 記得提醒你身邊的人，叫佢地小心！